ABŞ-da səudiyyəlilərin təlimlərinə qadağa qoyulub

ABŞ-da səudiyyəlilərin təlimlərinə qadağa qoyulub
  • Clock-gray 06:23
  • calendar-gray 12 Dekabr 2019

Pentaqon ABŞ-ın hərbi proqramlarında iştirak edən bütün səudiyyəlilərin təlimlərini dayandırıb. 

APA “voiceamerica”ya istinadən xəbər verir ki, buna ötən həftə Floridanın Pensakola hərbi bazasındakı hücum səbəb olub.

Qərar ölkənin müxtəlif bölgələrində təlim keçən 900-ə yaxın səudiyyəliyə şamil edilir.

Bu addım Federal Kəşfiyyat Bürosunun 21 yaşlı leytenant Məhəmməd Əlşamraninin ştatın ovçuluq lisenziyasını əldə etdikdən sonra aldığı 9 mm-lik tapança ilə qətl törətməsindən sonra atılıb.

Qeyd edək ki, Pensakola hərbi bazasında səudiyyəli hərbçi tərəfindən 3 dənizçi öldürülüb, 8 nəfər xəsarət alıb. O, polis tərəfindən güllələnərək öldürülüb.

Öldürülənlər 23 yaşlı Ensayn Coşua Vatson (Alabama), 19 yaşlı Məhəmməd Sameh Xaytam (Florida), digəri isə 21 yaşlı Kemeron Skott Uoltersdur(Virciniya).

Xatırladaq ki, ABŞ-ın hərbi obyektlərində 5 minə yaxın xarici tələbə təlim keçir.

Təlimlərin dayandırılması araşdırmalar başa çatdırılanadək 10 gün qüvvədə olacaq.

ABŞ-ın Müdafiə naziri Mark Esper bazar günü silahlı qüvvələrə xarici əsgərlərin yoxlanış prosedurlarının yenidən nəzərdən keçirmək barədə göstəriş verdiyini açıqlayıb.

Rəsmilər hücumun həftə ərzində ABŞ-ın Floridadakı hərbi bazasında ölümlə nəticələnən ikinci fakt olduğunu bildirib.

apa-logo-mini

Digər xəbərlər

Arxiv

date