Livanda daha bir nazir rəsmi olaraq istefa verib

Livanda daha bir nazir rəsmi olaraq istefa verib
  • Clock-gray 07:12
  • calendar-gray 10 Avqust 2020

Livanın Ətraf mühit və inzibati inkişaf naziri Damianos Kattar bazar günü rəsmi olaraq istefa verib. 

APA TASS-a istinadən xəbər verir ki, bu barədə "Lebanon 24" telekanalı məlumat yayıb.

Nazir hadisə zamanı ölənlərin və itkin düşənlərin ailələri ilə həmrəylik əlaməti olaraq vəzifəsindən istefa verdiyini açıqlayıb. O bildirib ki, ölkədə sistemin bütün mexanizmləri köhnəlib və bir çox imkanlar əldən verilir. 

Qeyd edək ki, D.Kattar Beyrutda baş vermiş partlayışla əlaqədar vəzifəsindən istefa verən ikinci nazirdir. Ondan əvvəl İnformasiya naziri Manal Abdel Səməd bu addımı atmışdı. 

Hökumətin sayca ikinci nazirinin istefasından sonra Baş nazir Həsən Diabın ümumi vəziyyəti müzakirə etmək üçün kabinetin təcili iclasını çağırdığı bildirilir. İclasın nəticələri barədə məlumat verilməyib. 

Rəşad Sarıyev

Digər xəbərlər