Sabiq səfir: “İran münaqişənin Azərbaycanın ərazi bütövlüyünə hörmət çərçivəsində həllinə tərəfdardır”

Sabiq səfir: “İran münaqişənin Azərbaycanın ərazi bütövlüyünə hörmət çərçivəsində həllinə tərəfdardır”
  • Clock-gray 17:05
  • calendar-gray 24 Sentyabr 2020

“İran İslam Respublikası dəfələrlə Dağlıq Qarabağ münaqişəsinin Azərbaycanın ərazi bütövlüyünə hörmət çərçivəsində və bölgədə sülhün bərqərar olması yolu ilə həll olunmasına tərəfdar olduğunu bildirib”.

Bunu APA-nın Tehran müxbirinə açıqlamasında İranın Azərbaycandakı sabiq səfiri Möhsün Pakayin deyib. 

O bildirib, bu, İranın bəyan edilmiş rəsmi mövqeyidir.

M. Pakayin hazırkı vəziyyətdə tərəflər arasında genişmiqyaslı müharibənin baş vermə ehtimalının az olduğunu vurğulayıb: "Çünki tərəflər indi iqtisadiyyatlarını inkişaf etdirməklə məşğuldur. Lakin hərbi qüvvələr bölgədə olduğu müddətdə Tovuzda olduğu kimi toqquşmaların ola biləcəyi istisna edilmir".

Sabiq səfir İran-Azərbaycan münasibətlərinin inkişaf etdiyini də qeyd edib: “İranın Azərbaycandakı səfiri Seyid Abbas Musəvinin vəzifəsinin icrasına başlamasından sonra iki ölkə arasındakı münasibətlərin genişləndirilməsi üçün münbit zəmin yaranıb və Bakı-Tehran əlaqələri inkişaf etməyə davam edəcək”.

 

Süleyman Fərzəliyev

Digər xəbərlər