Ədalət Vəliyev BQP başqanı Fazil Mustafa ilə görüşüb

Ədalət Vəliyev BQP başqanı Fazil Mustafa ilə görüşüb
  • Clock-gray 12:46
  • calendar-gray 14 İyul 2020

Böyük Quruluş Partiyasının başqanı Fazil Mustafa bu gün Prezident Adminstrasiyasında Parlament və siyasi partiyalarla əlaqələr şöbəsinin müdiri Ədalət Vəliyevlə görüşüb.

APA-nın məlumatına görə, bu barədə partiya başqanı "Facebook" səhifəsində məlumat yayıb.

F. Mustafa qeyd edib ki, Ə. Vəliyevlə siyasi partiyalarla dialoq formatında təkbətək gürüşü keçirilib:

“Ə. Vəliyev görüşdə ölkə prezidentinin siyasi partiyaların inkişafı, siyasi münasibətlərin daha sağlam zəmində formalaşması istiqamətində tapşırıqlarına uyğun olaraq hər bir partiya ilə münasibətlərin açıq, şəffaf və demokratik prinsiplərə uyğun qurulmasının vacibliyinə diqqət yetirdi. Partiyamızın ölkənin ictimai-siyasi həyatında və Milli Məclis müstəvisində fəaliyyətinin konstruktiv müxalifətçiliyə əsaslandığını, sağlam tənqid və təkliflərimizin Azərbaycan hakimiyyəti tərəfindən diqqətə alındığını xüsusi olaraq qeyd etdi. Biz də qarşılıqlı olaraq ölkədə başlanan dialoq prosesində ən fəal rol alacağımızı bildirərək, son vaxtlar sağlamlaşan iqtidar-müxalifət münasibətlərinin dövlətçiliyimiz üçün vacib olduğunu vurğuladıq. Son vaxtlar yeni siyasi partiyaların qeydə alınmasının ölkədə siyasi plüralizmin inkişafına töfhə verəcəyini qeyd edərək bu cür hüquqi maneələrin ortadan qaldırılmasının qarşılıqlı etimadın güclənməsinə təkan verəcəyini ifadə etdik. Görüşdə Ermənistanın torpaqlarımızı işğalı və Dağlıq Qarabağ məsələsində BQP-nin mövqeyi ilə bağlı da müzakirələr apardıq. Ə.Vəliyev bu cür müzakirələrin bütün siyasi partiyalarla aparıldığını və qalıcı bir proses olacağını bir daha bildirdi. Görüş olduqca səmərəli keçdi və xeyli məsələlər ətrafında faydalı müzakirələr oldu".

Firuzə Vahid

Digər xəbərlər