Azərbaycan kubokunun qalibi "Neftçi"nin məşqçisi olub

Azərbaycan kubokunun qalibi "Neftçi"nin məşqçisi olub
  • Clock-gray 22:16
  • calendar-gray 09 İyul 2020

"Neftçi”nin məşqçilər korpusunda dəyişiklik baş verib.

Apasport.az klubun saytına istinadən məlumat verir ki, Bakı təmsilçisinin əsas komandasında yeni təyinat rəsmiləşib.

Vadar Nuriyev paytaxt təmsilçisində köməkçi məşqçi vəzifəsini yerinə yetirəcək. 47 yaşlı çalışdırıcı ilə 1 il müddətinə müqavilə bağlanıb.

Qeyd edək ki, 1998-2001-ci illərdə "Neftçi”nin heyətində 46 oyun keçirmiş Nuriyev 1999-cu ildə Azərbaycan kubokunun qalibi olub. 2018-ci ildə “ağ-qaralar”ın əvəzedici komandasında baş məşqçi olan çalışdırıcı "İnter”in əvəzedici və U-19 komandalarında, eləcə də "Olimpik-Şüvəlan”ın əvəzedicilərində baş məşqçi, 19 yaşlılardan ibarət Azərbaycan millisində, AZAL, MOİK və "Keşlə” klublarında isə baş məşqçinin köməkçisi vəzifəsində çalışıb.

ApaSport

Digər xəbərlər