"Səbail"in legioneri: "Azərbaycanda qaldığım üçün şadam"

"Səbail"in legioneri: "Azərbaycanda qaldığım üçün şadam"
  • Clock-gray 09:46
  • calendar-gray 02 Aprel 2020

"Bu günlərdə evdə məşq edirəm. Çünki çölə çıxa, futbol oynaya bilmirik".

Apasport.az saytının məlumatına görə, bunu "Səbail"in yarımmüdafiəçisi Hendrik Ekşteyn deyib.

Koronavirus pandemiyası ilə əlaqədar Premyer Liqada verilmiş fasilə dönəmi barədə ölkəsinin mətbuatına açıqlama verən cənubi afrikalı yarımmüdafiəçi hazırlıqlarını evdə keçdiklərini söyləyib: "Evdə məşq edə bilmək üçün avadanlıqlar almışam. Maliyyə səbəbindən almalı olduğunuz hər şeyi ala bilmirsinizsə, formada qalmaq üçün istifadə edə biləcəyiniz avadanlıqları almalısınız. Məsələn, evinizdə oturacaqlar var, onların vasitəsilə müxtəlif hərəkətləri edə bilərsiniz. Əlbəttə ki, evdəki məşqlə əvvəlki formada qalmağınız mümkün deyil. Çünki trenajor zalı və meydandakı hazırlıq tam başqadır. Düzdür, bəzi hallarda çölə çıxa bilirik. Vəziyyət Cənubi Afrika Respublikasındakı kimi deyil, amma yenə də evdə qalmağın vacibliyini vurğulayırlar. Buna görə hətta biz də daim evdə olmalıyıq. Klub bunun üçün bizə xüsusi məşq proqramları verib".

29 yaşlı orta sahə oyunçusu yanvarda "Sabah"ı "Səbail"ə dəyişməsini də dəyərləndirib: "Burada hər şey qaydasındadır. Qış fasiləsində klubumu dəyişsəm də, Azərbaycanda qaldığım üçün şadam. Yenidən futbol oynaya biləcəyəm. Çünki bunu çox istəyirəm".

ApaSport

Digər xəbərlər