Türkiyədə hakimlər 2 aylıq karantinə alınır

Türkiyədə hakimlər 2 aylıq karantinə alınır
  • Clock-gray 10:28
  • calendar-gray 22 May 2020

Türkiyə Futbol Federasiyası (TFF) çempionatlardan sonra hakimlərlə bağlı da qərar qəbul edib.

Apasport.az saytının məlumatına görə, koronavirus pandemiyası səbəbindən dayandırılan futbol liqalarını iyunun 12-dən bərpa etməyi planlaşdıran federasiya referiləri mövsümün sonuna qədər təcrid vəziyyətində saxlayacaq.

43 hakim, həmçinin VAR hakimləri iyunun 5-dən TFF Riva bazasında bir araya gələcək və iyulun 26-dək orada məskunlaşacaq. Oyunlara hazırlıqlarını həmin bazada keçirəcək ədalət təmsilçiləri mövsümün sonuna qədər evlərinə gedə bilməyəcək, karantin şəraitində olacaqlar. Bir sözlə, hakimlər təxminən iki aya yaxın bazanı yalnız oyunu idarə etmək üçün tərk edə biləcəklər.

Qeyd edək ki, Türkiyə Super Liqası iyunun 12-də bərpa olunacaq.

ApaSport

Digər xəbərlər