“Qarabağ”ın futbolçusu Avropa Liqasının ən yaxşıları arasında ikinci yerə şərik olub

“Qarabağ”ın futbolçusu Avropa Liqasının ən yaxşıları arasında ikinci yerə şərik olub
  • Clock-gray 11:11
  • calendar-gray 08 Noyabr 2019

Avropa Liqasının qrup mərhələsinin IV turundan sonra klub və futbolçuların statistik göstəriciləri açıqlanıb.

APA-nın məlumatına görə, qitənin ikinci dərəcəli klub turnirinin ən yaxşıları arasında Azərbaycan çempionu “Qarabağ” da təmsil olunub.

APOEL-lə Kiprdəki qarşılaşmada (1:2) Maksim Medvedevin qolunun məhsuldar ötürməsini verən Dani Kintana ən yaxşı assistentlər siyahısında yer alıb. O, qrupda 3-cü dəfə qol ötürməsi verib.

Nikosiyada zədələnərək meydanı tərk edən ispaniyalı bu göstəricidə turnirin ikincisi adına şərikdir. Yalnız Portuqaliya “Braqa”sının üzvü Qaleno daha çox – 5 assistə imza atıb. D.Kintana Mohamed İhattaren (PSV), Vadis Odjidja (“Gent”), Anton Medyalkov (“Lüdoqorets”) ilə eyni göstəriciyə malikdir.

“Qarabağ”ın özü isə qapıya zərbələrdə ön sıralardadır. 4 matçda rəqib qapılarını 22 dəfə nişan alan Ağdam klubu “Espanyol”la eyni göstəriciyə malikdir. Bu cütlük Avropa Liqasında 4-cü yerə şərikdir. Onlar yalnız “Sevilya” (35), “Alkmaar” (31) və “Sportinq”dən (25) geri qalırlar.
 

apa-logo-mini

Digər xəbərlər

Arxiv

date