“Real” Benzema ilə yeni müqavilə imzalayacaq

“Real” Benzema ilə yeni müqavilə imzalayacaq
  • Clock-gray 11:57
  • calendar-gray 22 Noyabr 2019

İspaniyanın “Real” klubu fransalı futbolçusu Kərim Benzema ilə yeni müqavilə imzalayacaq.

Apasport.az saytının məlumatına görə, Madrid təmsilçisi hücumçuya iki illik anlaşma təklif edəcək.

Onun hazırkı müqaviləsi 2021-ci ilin yayına qədər nəzərdə tutulub. Planlaşdırılan yeni anlaşma isə 2022/23 mövsümünün sonuna qədər olacaq. Burada futbolçunun maaşı da qaldırılacaq. 

Qeyd edək ki, gələn ay 32 yaşını tamamlayacaq K.Benzema 2009-cu ildən “Real”da oynayır. O, ölkə çempionatı, kuboku və Superkubokunun hərəsində 2, UEFA Superkubokunda 3, Çempionlar Liqası və klublararası dünya çempionatının hərəsində 4 dəfə qalib olub.
 

apa-logo-mini

Digər xəbərlər

Arxiv

date