Ağdamda fərdi yaşayış evində partlayış olub, xəsarət alan var - YENİLƏNİB

Ağdamda fərdi yaşayış evində partlayış olub, xəsarət alan var - YENİLƏNİB
  • Clock-gray 09:04
  • calendar-gray 11 Dekabr 2019

Fövqəladə Hallar Nazirliyi Ağdamda evdə baş verən yanğınla bağlı məlumat yayıb.

APA-nın FHN-nin saytına istinadən xəbərinə görə, Ağdam rayonunun Quzanlı qəsəbəsində ümumi sahəsi 80 m²olan birmərtəbəli 3 otaqlı evdə yanğınla nəticələnən partlayış baş verib. Yanğın nəticəsində evin yanar konstruksiyaları yanıb. Hadisə zamanı 1 nəfər xəsarət alıb. Yaxınlıqdakı tikililər yanğından mühafizə olunub. Yanğın yanğından mühafizə bölmələri tərəfindən söndürülüb.

Hadisə ilə əlaqədar müvafiq qurumlar tərəfindən təhqiqat aparılır.

***

Saat 08:21

Ağdamda qaz sızması nəticəsində yaşayış evində partlayış olub.

APA-nın yerli bürosunun xəbərinə görə, partlayış rayonun Quzanlı qəsəbə sakini Nuriyev Alim Aləm oğluna məxsus evdə baş verib.

Hadisə yerinə FHN-in Dövlət Yanğından Mühafizə Xidmətinin əməkdaşları cəlb olunub. Partlayış sonradan yanğınla müşahidə olunub. Nəticədə A.Nuriyevin həyat yoldaşı, 1992-ci il təvəllüdlü rayon sakini Röyalə Nuriyeva yanıq xəsarəti ilə Ağdam Mərkəzi Rayon Xəstəxanasına çatdırılıb.

Yanğın yanğından mühafizə bölmələri tərəfindən söndürülüb.

Faktla bağlı araşdırma aparılır.

Habil Aslanoğlu

Digər xəbərlər