Ağdaşda son iki gündə karantin qaydalarını pozan 38 nəfər cərimələnib

Ağdaşda son iki gündə karantin qaydalarını pozan 38 nəfər cərimələnib
  • Clock-gray 14:21
  • calendar-gray 08 İyul 2020

Ağdaş Rayon Polis Şöbəsinin əməkdaşları tərəfindən ölkədə elan edilən karantin rejim qaydalarına rayon ərazisində əməl edilməsi məqsədilə tədbirlər davam etdirilir.
Daxili İşlər Nazirliyinin Mətbuat Xidmətinin Şəki regional qrupundan APA-nın yerli bürosuna verilən məlumata görə, polis əməkdaşları tərəfindən şəhər ərazisində keçirilən reyd zamanı obyektlərdə satıcı və müştərilərlə, küçədə hərəkət edən sakinlərlə, eləcə də sərnişindaşıma ilə məşğul olan nəqliyyat vasitələrinin sürücüləri ilə maarifləndirici söhbətlər aparılıb. Onlara tibbi maskalardan istifadənin zəruriliyi və sosial izolyasiya qaydalarına əməl etmələrinin vacibliyi bildirilib. Rejim qaydalarını pozan, tibbi maskadan istifadə etməyən şəxslər barəsində İnzibati Xətalar Məcəlləsinin müvafiq maddəsi ilə protokol tərtib edilərək, barələrində inzibati tənbeh tədbirləri görülüb, cərimə edilib.
Bu istiqamətdə tədbirlər növbəti günlərdə də davam etdiriləcək.

Qeyd edək ki, Ağdaşda son iki gündə karantin qaydalarını pozan 38 nəfər cərimələnib.

Şahnəzər Bəşirov

Digər xəbərlər