Bakıda avtomobil divara çırpılıb, xəsarət alanlar var - YENİLƏNİB - VİDEO

Bakıda avtomobil divara çırpılıb, xəsarət alanlar var - YENİLƏNİB - VİDEO
  • Clock-gray 12:04
  • calendar-gray 27 May 2020

Bakının Böyükşor şossesində, Koroğlu metrostansiyası yaxınlığında baş vermiş qəzanın təfərrüatları məlum olub.

APA-nın məlumatına görə, “Hyundai” markalı, 99-UM-411 dövlət qeydiyyat nişanlı avtomobil idarəetməni itirərək divara çırpılıb.

Nəticədə iki nəfər ağır xəsarətlər alıb. Onların hər ikisi Təcili Tibbi Yardım vasitəsilə 3 saylı Klinik Tibbi Mərkəzə aparılıb.  

Hadisə yerində hüquq-mühafizə orqanının əməkdaşları cəlb olunub.

TƏBİB-dən APA-ya bildirilib ki, xəsarət alan qadına baldır sümüyünün sınığı, kişiyə başın, qarının küt travması diaqnozu qoyulub, vəziyyətləri orta-ağırdır.

***

11.53

Bakının Böyükşor şossesində, Koroğlu metrostansiyası istiqamətində Olimpiya Stadionunun qarşısında yol-nəqliyyat hadisəsi baş verib.

Bu barədə APA-ya Bakı Nəqliyyat Agentliyindən bildirilib.

Qeyd olunub ki, qəza səbəbindən ərazidə nisbətən sıxlıq müşahidə olunur.

Səlcuq Elçin

Digər xəbərlər