Gəncə sakinini bıçaqlayan şəxs saxlanılıb - YENİLƏNİB

Gəncə sakinini bıçaqlayan şəxs saxlanılıb  - YENİLƏNİB
  • Clock-gray 09:10
  • calendar-gray 01 Aprel 2020

Gəncədə 18 yaşlı gənci bıçaqlamaqda şübhəli bilinən şəxs saxlanılıb.

DİN-in mətbuat xidmətinin Gəncə regional qrupundan APA-nın yerli bürosuna verilən məlumata görə, martın 31-də saat 17 radələrində  Gəncə şəhər sakini 18 yaşlı Anar Əliyevin  qarnının və ürəyinin daxilinə keçən kəsilmiş-deşilmiş yarası ilə xəstəxanaya gətirilməsi barədə Gəncə şəhər Kəpəz Rayon Polis idarəsinə daxil olan məlumatla əlaqədar dərhal hüquq mühafizə orqanlarının əməkdaşları tərəfindən müvafiq tədbirlər görülüb.

Faktla əlaqədar Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə cinayət işi başlanılıb. 

Həyata keçirilən istintaq və əməliyyat-axtarış tədbirləri nəticəsində hadisəni törətməkdə şübhəli bilinən Gəncə şəhər sakini 17 yaşlı  İ. Allahverdiyev saxlanılıb. İlkin araşdırmalar zamanı hadisənin şəxsi münasibətlər zəmnində baş verdiyi müəyyən olunub. 

Hazırda cinayət işi üzrə zəruri istintaq-əməliyyat tədbirləri davam etdirilir.

***

31 mart

17:28

Gəncə şəhərində bıçaqlanma hadisəsi baş verib.

APA-nın yerli bürosunun məlumatına görə, hadisə şəhərin dəmir yolu vağzalının ərazisində qeydə alınıb. Belə ki, 2002-ci il təvəllüdlü Əliyev Anar Zaur oğlu kəsilmiş-deşilmiş bıçaq yarası ilə xəstəxanaya yerləşdirilib. O, dərhal əməliyyat olunub. Hazırda A. Əliyevin vəziyyətinin kafi olduğu bildirilir. Onun hansı səbəbdən bıçaqlanması məlum deyil. Faktla bağlı araşdırma aparılır.

Fuad Nazimoğlu

Digər xəbərlər

Arxiv

date