Tovuzda yanacaq doldurma məntəqəsinə məxsus pulu mənimsəyən şəxslər saxlanılıb

Tovuzda yanacaq doldurma məntəqəsinə məxsus pulu mənimsəyən şəxslər saxlanılıb
  • Clock-gray 18:48
  • calendar-gray 19 Yanvar 2020

Yanvarın 18-də Tavuz rayon Qovlar şəhər sakini Röyal Əhmədov  Daxili İşlər Nazirliyinin (DİN) 102 Zəng Mərkəzi Xidmətinə müraciət edərək işlədiyi Qovlar şəhər ərazisindəki yanacaq doldurma məntəqəsində naməlum şəxsin ona küt alətlə vuraraq məntəqəyə məxsus pulu götürməsi barədə məlumat verib.

DİN-in Mətbuat Xidmətinin Gəncə regional qrupundan APA -nın yerli bürosuna  verilən məlumata görə,  Tovuz rayon Polis Şöbəsinin əməkdaşlarının keçirdiyi əməliyyat-axtarış tədbirləri nəticəsində məlum olub ki, R. Əhmədov əvvəlcədən dostları ilə planlaşdıraraq ona qarşı quldurluq hadisəsinin törədilməsini təşkil edib.

Bu işdə ona Tovuz rayon Qovlar şəhər sakinləri  Hüseyn Cəfərov və Vüsal Quliyev köməklik edib. Hər üç şəxs saxlanılaraq RPŞ-yə gətirilib. İlkin dindirilmə zamanı saxlanılan şəxslər törətdikləri cinayət hadisəsini etiraf edib.

Faktla bağlı araşdırmalar davam etdirilir.

Fuad Nazimoğlu

Digər xəbərlər

Arxiv

date