Bakıda keçiriləcək beynəlxalq kibertəhlükəsizlik seminarına qeydiyyat başlayıb - FOTO

Bakıda keçiriləcək beynəlxalq kibertəhlükəsizlik seminarına qeydiyyat başlayıb - FOTO
  • Clock-gray 17:20
  • calendar-gray 20 Fevral 2020

Bu ilin 2-6 mart tarixlərində Bakıda təşkil olunacaq II Beynəlxalq “Kibertəhlükəsizlik həftəsi” çərçivəsində sahə mütəxəssislərinin inkişafı və maarifləndirilməsi məqsədilə beynəlxalq seminar və təlimlərin də keçirilməsi nəzərdə tutulub.

Azərbaycan Nəqliyyat, Rabitə və Yüksək Texnologiyalar Nazirliyindən “APA-Economics”ə verilən məlumata görə, Nazirliyinin İnformasiya-Kommunikasiya Texnologiyalarının Tətbiqi və Tədrisi Mərkəzi (İKT LAB) və “IS3S” şirkətinin birgə təşkilatçılığı ilə 3 mart tarixində dövlət və bank sektorunda çalışan kibertəhlükəsizlik üzrə mütəxəssislər üçün “Pentestinq” üzrə praktiki seminar keçiriləcək. Seminar tanınmış rusiyalı kibertəhlükəsizlik mütəxəssisi və tədqiqatçısı Yuri Qurkin tərəfindən aparılacaq, “pentest”in növləri, metodikası, texnoloji həlləri təqdim ediləcək.

İKT LAB-ın təşkilatçılığı ilə keçiriləcək növbəti tədbir 05 mart tarixində baş tutacaq “Kibertəhlükəsizlik üzrə beynəlxalq sertifikatlaşdırma seminarı” olacaq. Məqsəd kibertəhlükəsizlik üzrə mütəxəssislərin beynəlxalq sertifikatlaşdırma imkanları barədə iştirakçıları məlumatlandırmaqdır. Eyni zamanda “Ethical Hacker”, “İSO/İEC 27001:2015” standartı əsasında beynəlxalq sertifikat və “CompTİA security+” beynəlxalq sertifikatları və onların əldə edilməsi yolları haqqında daha ətraflı təqdimatlar olacaq.

“Kibertəhlükəsizlik üzrə beynəlxalq sertifikatlaşdırma seminarı”nın davamı olaraq, 10-14 mart tarixlərində “ISO/IEC 27001:2015 standartı – “İnformasiya təhlükəsizliyinin idarə edilməsi sisteminə olan tələblər” əsasında beynəlxalq sertifikatlaşdırma təlimi və martın 10-dan başlayaraq 2 ay müddətində davam edəcək “CompTİA Security+”, yəni “İT təhlükəsizliyinin əsasları” beynəlxalq sertifikatlaşdırma təlimi təşkil ediləcək.

İştirakçılar təlimdə iştirak etməklə yanaşı, beynəlxalq imtahanları uğurla keçərək, beynəlxalq sertifikat almaq imkanı əldə edəcəklər.

Qeyd edilən təlimlər kibertəhlükəsizlik sahəsində ölkənin kadr potensialının gücləndirilməsi, eləcə də dövlət orqanları, idarə, müəssisə və təşkilatların beynəlxalq sertifikatlı mütəxəssislərə malik olması və kibertəhlükəsizlik səviyyəsinin yüksəldilməsi məqsədilə təşkil edilir.

Seminar və təlimlər haqqında ətraflı məlumatla www.cyberweek.azwww.iktlab.az internet saytlarında tanış olmaq mümkündür.

Seminar və təlimlərdə iştirak etmək istəyən şəxslər İKT LAB Tətbiq və Tədris Mərkəzinin +99412 5050113 telefon nömrəsi və [email protected] elektron poçtu ilə əlaqə saxlayıb, qeydiyyat üçün müraciət edə bilərlər.

Hüseyn Vəliyev

Digər xəbərlər

Arxiv

date