ARDNF-in vəsaitləri son 10 ildə 90% artıb

ARDNF-in vəsaitləri son 10 ildə 90% artıb
  • Clock-gray 10:40
  • calendar-gray 28 Fevral 2020

Son 10 il ərzində Azərbaycan Respublikası Dövlət Neft Fondunun (ARDNF) vəsaitləri pik nöqtəsinə çataraq 43 323 mln. ABŞ dolları təşkil edib.

ARDNF-dən "APA-Economics"ə verilən məlumata görə, 2010-cu ildən (22 767 mln. dollar) 2019-cu ilədək fondun vəsaitləri 90,3% artıb.

Məlumata əsasən, fondun investisiya portfeli üzrə gəlirliliyi 2010-cu ildən (0,99%) 2019-cu ilədək (5,29%) 5,3 dəfə artıb.

Qeyd edək ki, ARDNF aktivləri 43,3 mlrd. ABŞ dolları təşkil edib, bu da 2019-cu ilin əvvəlinə olan göstəricisi (38,5 mlrd. dollar) ilə müqayisədə 12,5% çoxdur.

Ötən il 2019-cu ildə Dövlət Neft Fondunun büdcəsində xam neftin orta illik ixrac qiyməti 60 ABŞ dolları nəzərdə tutulmuşdu. Beynəlxalq bazarlarda isə neftin qiyməti bu göstərici ilə müqayisədə yüksək olub və ortaçəkili satış qiyməti 64 dollar təşkil edib. Bu da öz növbəsində ARDNF-in sterilizasiya və yığım funksiyalarının effektiv icrasına, valyuta ehtiyatlarının artırılmasına əlverişli şərait yaradıb.

Emil İsmayılov

Digər xəbərlər

Arxiv

date