İKZF satmaq öhdəliyi ilə kirayə yaşayış sahələrinin siyahısını genişləndirib

İKZF satmaq öhdəliyi ilə kirayə yaşayış sahələrinin siyahısını genişləndirib
  • Clock-gray 18:32
  • calendar-gray 28 Fevral 2020

Bu gündən İpoteka və Kredit Zəmanət Fondunun (IKZF) yaşayış sahələrinin satmaq öhdəliyi ilə kirayə mexanizmi üzrə elektron kabinetin yaradılması və elektron müraciətlərin formalaşdırılması prosesinə başlanılıb.

Fonddan “APA-Economics”ə verilən məlumata görə, gün ərzində artıq 3 minə yaxın vətəndaş elektron kabinetin yaradılması üçün müraciət edib və hazırda proses davam edir.

Eyni zamanda, İKZF-nin vətəndaşlara satmaq öhdəliyi ilə kirayə təklif etdiyi yaşayış sahələrinin siyahısı genişləndirilib. Vətəndaşların nəzərinə çatdırırıq ki, ilkin mərhələdə Fond tərəfindən vətəndaşlara 331 mənzil kirayə təklif olunurdu. Hazırda kirayə mənzillərin sayı artırılaraq 530-a çatdırılıb. Əhalinin tələbini nəzərə alaraq Fond tərəfindən mənzil fondunun formalaşdırılması davam etdirilir.

Kirayəyə verilməsi nəzərdə tutulan yaşayış sahələrinin yerləşdiyi ərazi, sayı, sahəsi və digər məlumatlarla bu keçid vasitəsilə tanış olmaq mümkündür.

Xatırladaq ki, “Elektron ipoteka və kredit zəmanət” sistemi vasitəsi ilə yaşayış sahəsini seçmək imkanı yalnız Fond tərəfindən müraciətə baxıldıqdan və razılıq barədə qərarın qəbul edilməsindən sonra yaranır.

Eyni zamanda, kirayəçilərə dair tələblər, müraciətlərin qəbulu, onlara baxılması, yaşayış sahələrinin seçilməsi və rəsmiləşdirilməsi barədə ətraflı məlumatı Fondun internet səhifəsindən (www.mcgf.az), habelə “1549” Çağrı Mərkəzinə zəng etməklə, həmçinin EİKZS-dən istifadə ilə bağlı məlumatı EİKZS-də yerləşdirilmiş təlimatla tanış olmaqla əldə etmək mümkündür.

APA-Economics

Digər xəbərlər

Arxiv

date