Bakıda bu il sənaye istehsalının həcmi 11 mlrd. manata yaxın olub

Bakıda bu il sənaye istehsalının həcmi 11 mlrd. manata yaxın olub
  • Clock-gray 16:40
  • calendar-gray 22 May 2020

Bu ilin yanvar-aprel aylarında Bakıda sənayedə istehsal olunmuş malların və göstərilmiş xidmətlərin həcmi 10,6 mlrd. manat təşkil edib ki, bu da 2019-cu ilin müvafiq dövrü ilə müqayisədə 18,5% azdır.

Bakı Statistika İdarəsindən “APA-Economics”ə verilən məlumata görə, sənaye məhsulunun 76,1% mədənçıxarma, 21% emal, 2,2% elektrik enerjisi, qaz və buxar istehsalı, bölüşdürülməsi və təchizatı, 0,7% isə su təchizatı, tullantıların təmizlənməsi və emalı sektorlarında istehsal olunub. Sənayedə qeyri-dövlət sektorunun payı 78,7% olmuşdur. İstehsalın ümumi həcmində sənaye məhsulunun payı 85%, sənaye xarakterli xidmətlərin göstərilməsi isə 15% təşkil edib.

Məlumata əsasən, istehsal edilmiş məhsulun böyük hissəsi istehlakçılara göndərilmiş, əvvəlki dövrlərdə yaranmış ehtiyatlar da nəzərə alınmaqla sənaye müəssisələrinin anbarlarında 01 may 2020-ci il vəziyyətinə 257,4 mln. manatlıq hazır məhsul ehtiyatı olmuşdur. Sənaye müəssisələrinin anbarlarında başqa müəssisələrdən alınmış və satış üçün nəzərdə tutulmuş 74,6 mmln. manat məbləğində digər məhsullar da mövcud olub.

Emil İsmayılov

Digər xəbərlər

Arxiv

date