Koronavirusla mübarizə tədbirləri Aİ-nin enerji sektoruna ciddi təsir edib

Koronavirusla mübarizə tədbirləri Aİ-nin enerji sektoruna ciddi təsir edib
  • Clock-gray 17:02
  • calendar-gray 12 Oktyabr 2020

Yeni növ koronavirusla (COVID-19) mübarizə tədbirləri Avropa İttifaqının (Aİ) enerji bazarına ciddi şəkildə mənfi təsir edib. Bu ilin II rübündə bölgədə qaz istehlakı 2019-cu ilin eyni dövrü ilə müqayisədə 10% azalıb.

"APA-Economics"in "1Prime"a istinadən verdiyi məlumata görə, bu barədə Avropa Komissiyasının hesabatında deyilir.

Hesabatda Aİ-də qaz istehlakı 2019-cu ilin II rübü ilə müqayisədə 10% azalaraq 8 mlrd. kubmetrə endiyi qeyd olunur. Buna səbəb əsasən sənaye sektorunda, elektrik enerjisi istehsalında və anbarlara qaz ehtiyatlarının vurulmasında azalmaların olduğu göstərilir.

Aİ-nin xalis qaz idxalı illik müqayisədə 14% azalıb. Rusiya boru kəmərləri ilə təchizat idxalın 42%-ni təşkil edib. İkinci yerdə sıxılmış qaz (LNG – 25%) alışları, üçüncü yerdə isə Norveçdən boru kəmərləri ilə təchizatın payına (23%) düşüb.

Bu ilin II rübündə LNG idxalı son rüblərdəki dinamik artımından sonra ötən ilin eyni dövrünə nisbətən 3% azalıb.

ABŞ LNG tədarükü üzrə bazar payının 7 faiz bəndini itirsə də, bu pay Avropaya idxalda 23% təşkil edib. Bu göstərici üzrə ABŞ Qətər (22%) və Rusiyanı (18%) qabaqlayıb.

Aİ-nin təxmin edilən qaz idxal fakturası 2019-cu ilin II rübündə 15,8 mlrd. avrodan 6,2 mlrd. avroya enərək son altı ildə ən aşağı səviyyəyə düşüb. Bu, əsasən sözügedən növ yanacağın alış qiymətlərinin və tədarük həcminin azalması ilə əlaqədardır.

Hüseyn Vəliyev

Digər xəbərlər