SOCAR-ın neft emalı zavodu 1 mln. tondan artıq məhsul ixrac edib

SOCAR-ın neft emalı zavodu 1 mln. tondan artıq məhsul ixrac edib
  • Clock-gray 10:30
  • calendar-gray 28 Dekabr 2019

Bu ilin yanvar-oktyabr aylarında Türkiyənin Əliağa yarımadasında SOCAR tərəfindən inşa edilən "Star Rafineri" neft emalı zavodu (NEZ) 1,07 mln. ton neft məhsulları ixrac edib.

"APA-Economics"in Türkiyənin Enerji Bazarı Tənzimləmə İdarəsinə (EPDK) istinadən verdiyi məlumata görə, cari ilin ilk doqquz ayında zavodun ixrac üzrə ən yüksək göstəricisi mart ayında qeydə alınıb və 319,02 min ton təşkil edib.

Məlumata əsasən, yanvar-oktyabr aylarında NEZ Türkiyənin daxili bazarına 561,68 min ton neft məhsulları yönəldib.

Qeyd edək ki, "Star Rafineri" neft emalı zavodu ötən ilin oktyabr ayında istifadəyə verilib. Zavod ildə 10 mln. ton xam neft emal gücünə malikdir. Əsas məhsullarını dizel yanacağı (5 mln. tona yaxın), təyyarə yanacağı (1,5 mln. ton), nafta (1,5 mln. ton), reformat (1 mln yaxın) və kükürd, maye neft qazı, neft koksu və sair neft məhsullarıdır təşkil edir. Bu il zavodda 8 mln. ton neftin emalı nəzərdə tutulub. Bu ilin sonunadək müəssisə 4 mln. ton dizel, 1 mln. tona yaxın təyyarə yanacağı, 1 mln. ton nafta, 700 min ton reformat istehsal etməyə planlaşdırır. Lakin 2020-ci ildən etibarən "Star" ildə 10 mln. ton neft emal edəcək.

Emil İsmayılov

Digər xəbərlər

Arxiv

date