"Total" Böyük Britaniyanın nəhəng avtomobil enerji doldurma şəbəkəsini satın alır

"Total" Böyük Britaniyanın nəhəng avtomobil enerji doldurma şəbəkəsini satın alır
  • Clock-gray 16:10
  • calendar-gray 29 Sentyabr 2020

Fransanın "Total" şirkəti Böyük Britaniyanın "Source London" elektrik avtomobilləri üçün enerji doldurma məntəqələri şəbəkəsini satın alır.

"APA-Econimics" xəbər verir ki, bu barədə şirkətin yaydığı məlumatda bildirilir.

Qeyd olunur ki, "Total"in "Bollore Group"dan aldığı şəbəkə 1,6 mindən çox məntəqədən ibarətdir. "Total"in "Total Gas & Power Limited" törəmə şirkəti vasitəsilə məntəqələr 100% bərpa olunan elektrik enerjisi ilə təmin olunacaq.

"Bu satınalma "Total"in Avropada elektromobil sahəsində əsas oyunçu mövqeyini gücləndirəcək. Şirkət 2025-ci ilədək Avropanın böyük şəhərlərində elektrik nəqliyyat vasitələri üçün 150 mindən çox enerji doldurma məntəqəsi yaratmaq istəklərinə uyğun olaraq, inkişafını davam etdirir. Razılaşmanın ilin sonuna qədər tamamlanması gözlənilir", - məlumatda deyilir.

Hüseyn Vəliyev

Digər xəbərlər