Bakıda 200 kq mənşəyi məlum olmayan at əti aşkarlanıb

Bakıda 200 kq mənşəyi məlum olmayan at əti aşkarlanıb
  • Clock-gray 15:08
  • calendar-gray 03 İyul 2020

Azərbaycan Respublikasının Qida Təhlükəsizliyi Agentliyinin (AQTA) əməkdaşları daxil olan məlumat əsasında Bakı şəhəri, Qaradağ rayonu, Lökbatan qəsəbəsi, Qobu yolu ünvanında fiziki şəxs Babayev Füzuli Hidayət oğlunun həyətyanı sahəsinə baxış zamanı tikili sahədə heç bir baytarlıq-sanitariya ekspertiza arayışı və mənşəyi məlum olmayan, ilkin orqanoleptik göstəricilərinə görə kəskin qoxulu, rəngi qaralmış, üzərində yapışqan seliklər olan  ümumi çəkisi 200 kq-a yaxın at əti aşkarlayıb.

AQTA-dan APA-ya verilən məlumata görə, yoxalama zamanı ferma tipli tikililərdə 4 baş at, qoyun və keçilərin kəsim üçün saxlanıldığı müəyyən edilib. Götürülən nümunələr analiz üçün Azərbaycan Qida Təhlükəsizliyi İnstitutunun (AQTİ) müvafiq  laboratoriyalarına təqdim olunub.

Faktla bağlı araşdırmalar davam etdirilir.

Günay Elşadqızı

Digər xəbərlər