Gəncədə xüsusi karantin rejimi ilə əlaqədar maarifləndirmə işləri davam edir

Gəncədə xüsusi karantin rejimi ilə əlaqədar maarifləndirmə işləri davam edir
  • Clock-gray 20:32
  • calendar-gray 27 May 2020

 

Gəncədə xüsusi karantin rejiminin yumşaldılmasına baxmayaraq əhali arasında maarifləndirmə işləri davam etməkdədir. 

APA-nın yerli bürosunun məlumatına görə, bu məqsədlə yaradılan mobil qrup üzvləri Gəncənin Nizami və Kəpəz rayon ərazilərində fəaliyyət göstərən bir sıra ticarət və iaşə obyektlərində reyd ediblər.

Reyd zamanı sahibkarlara karantin rejiminin yumşaldılmasından sonra belə Operativ Qərargahın tələb və tövsiyələrinə əməl edilməsinin önəmi bir daha vurğulanıb. Bildirilib ki, xidmət sahələrinin işçiləri karantin rejiminə uyğun olaraq  tibbi maska və əlcəkdən istifadəsi mütləqdir. Mobil qrup üzvləri sahibkarlara şəxsi qiqiyena ilə yanaşı işlədikləri xidmət sahələrinin də təmiz saxlanılmasını və dezinfeksiyaedici məhlullardan istifadə etmələrini xatırladıblar.

Eyni zamanda mobil qrup üzvləri sakinlər arasında da profilaktik söhbətlər aparıblar, vətəndaşları məsuliyyətli olmağa və qaydalara əməl etməyə çağırıblar. Söhbət əsnasında Bank və ATM-lərin qarşısında sosial məsafənin qorunması, habelə sakinlərin qrup şəklində bir araya toplanmaması məsləhət görülüb.

Qeyd edək ki, qaydalara riayət edilməsi ictimai iaşə obyektlərinin rəhbər şəxsləri və əməkdaşlarının, eyni zamanda xidmətlərdən istifadə edən müştərilərin birbaşa öhdəliyidir. Qaydaların pozulması qanunvericiliklə nəzərdə tutulmuş inzibati və cinayət məsuliyyəti yaradır.  

Xatırladaq ki, yeni növ koronavirus (COVID-19) infeksiyası ilə bağlı Azərbaycandakı sanitar-epidemioloji vəziyyət, ölkə əhalisi arasında virusa yoluxanların ümumi sayı və xəstələrin sağalma dinamikası nəzərə alınaraq, xüsusi karantin rejimi çərçivəsində tətbiq edilən məhdudiyyətlərin daha bir qisminin yumşaldılmasına qərar verilib.

 

Fuad Nazimoğlu

Digər xəbərlər