UNEC-ə qəbul olanlar 4 ilə iki diplom əldə edə biləcəklər

UNEC-ə qəbul olanlar 4 ilə iki diplom əldə edə biləcəklər
  • Clock-gray 14:46
  • calendar-gray 08 İyul 2020

UNEC-ə qəbul olan abituriyentlər universiteti bitirdikdə Avropa və Rusiyanın ali təhsil müəssisələrinin diplomunu da əldə edə biləcəklər.

Bu barədə APA-ya UNEC-dən bildirilib. Məlumata görə, Universitetin bakalavr səviyyəsi üzrə Fransanın Montpellier Universiteti, Fransanın ICD Beynəlxalq Biznes Məktəbi, Moskva Dövlət Humanitar İqtisad Universiteti və Rusiya Ali İqtisadiyyat Məktəbi Milli Tədqiqat Universiteti ilə ikili diplom proqramı reallaşdırılır. Eləcə də bakalavrlara Böyük Britaniyanın London Universiteti/London İqtisadiyyat Məktəbinin (LSE) beynəlxalq proqramına qoşulmaq imkanı yaradılıb.

İkili diplom və beynəlxalq proqrama qoşulan tələbələr 4 illik təhsillərini başa vurduqda, UNEC-lə yanaşı, seçdikləri xarici universitetin də diplomunu əldə edəcəklər. Bu isə onlara xarici təhsil təcrübəsini öyrənmək, eləcə də məzun olduqda əmək bazarının tələblərinə daha çevik cavab verən, rəqabətqabiliyyətli mütəxəssis olmaları üçün böyük şans yaradır.

apa-logo-mini

Digər xəbərlər